在辦公室裡談莫札特才是正經事

係今年新精頭, 不少玄學水風大師, 都話今年係 it 界大旺的一年. 不知有幸還是不幸, 我畢業後就投身到呢個 it 行業, 亦見証著, 她的確係咁興旺. 今個十月, 我 team 會有第三個 manager 離職. 當然工作性質係一個因素, it 只係一個 cost center, 公司要有好業績, 開唔到源, 就唯有節流, 好多時都係先向 it 部門開刀. 依家我 team 的確係愈來愈少新project, 大部份都係將舊 system 苟延殘喘, 咁錢從何來? 公司出唔起錢挽留, 有學歷有經驗的梗係先走而後快啦. 套用一句粗俗得近呼粗鄙的 term, 我team 真係X樣當道, (戲言而已, 不要介懷, 只係戲謔全 team都係新人, 經驗尚淺)希望可以捱得過這關吧. 天啊, 給我經驗和學歷吧, 我好想離開這個鬼地方.........

說回正題, 有人離開, 當然都會有新人的加入, 新同事可謂 it 界的菁英, 有心有力接掌千瘡百孔的 XXXX system. 陳舊得還是用 windows nt, 每步都要 operator click 制執行. 每日三更半夜都會 call 醒support / manager 報告 status. 可想而知有多少人的青春浪費係呢個廢野, 千萬不要 transfer 給我, 我打死都唔接, 我要充足睡眠, quality of life. IT人真係表面風光, 內裡折墜, 最甘係晚上收 call, o個種壓力同後遺症係難以形容. 某日新同事互相訴說苦況, 近來我大家都忙到變得有返工時間而冇放工時間的, 不想講得太苦不堪言, 唯有將話題拉開, 談天說地的時候, 時間還會過得快一點, 不如講下莫札特吧......... 最有共鳴的, 竟是當年粵語殘片最鍾意用的THAIS, 大家都誤以為係莫札特的, haha.

雖則對"symphony"/ classical music / 所有音樂, 我沒有什麼認知, 除了膚淺的吹水說道是"表達情感"/"偉大"/陶冶性情", 只可以講句: "我最喜愛的還是貝多芬第九交響曲."