PJ Harvey - This Mess We're In
最近又做敗家仔，胡亂花費買了新電腦，有了新的玩意，時間就越來越唔見洗。我地有時花太多時間去做一d太冇成效的事，例如要編訂時間行程表，將桌子執得整齊，當然不得不提最可悲荒謬無聊，浪費時間人力物力的procedure / documentation / process 的文書工作，做的但求交到工課，老細要搵人check，但check的人根本冇knowledge去check，只可以對下d格式齊唔齊，format啱唔啱，有冇填漏日子等等。尤其一些特別大型的project，縱使有不同的方法去control，但問題癥結往往在於起首的requirement攞得唔啱，或者個project係根本唔應該開始。
A Perfect Mess （中譯【亂好】）好有系統咁將亂講左出來，仲講左唔少亂可以帶來的好處，令我可以理直氣壯的把桌子繼續保持有限度的亂，床上仍是鋪著昨天穿的衫，作息飲食時間仍是每日不同的。傳統的看法是人都會對自己的亂感到羞愧，而且亂係冇效率；整齊可以簡化規律，整齊就係有效率而且令人引以自豪。
但當我們細心諗諗，整齊有詳細計畫又可以帶來什麼呢？例如我張枱，每日要用的都係嗰几個file，我有冇必要每次用完以後都要整整齊齊咁放返去呢？同理，工作已經編排得密密麻麻，我還有必要用時間編排難以實行的日程表？planing同執野都係極需要精神同時間的奢侈行為，對我來說更唔會帶來什麼益處，讓工作給環境保持有限度的亂可以：
- 慳精神，如果我要用几十分鐘去執好地方，但我常用的物資只有几種，我何不扔掉d垃圾，或者找一個隱密而夠空間的地方收好？
- 發掘之前miss左的野，我的書櫃從不順序排列，慢慢搵得時候返而有機會睇返以前冇乜點睇過的書。
- 慳返執野的時間，eg：愛因斯坦善用左佢的時間，當一張枱亂到冇晒位的時候，佢就會叫人畀過另一張枱畀佢；
- 帶來創意，好多神來之筆都是出自亂，eg：梵高的畫作；費林明發現盤尼西林；etc
On the other hand, 給人好的印像始終是最重要的，就算亂，表面上還是要整齊而有系統的，為前途著想，我都係要執靚d。
ps：梳理好個頭，d衫唔好太皺，唔好有口氣就ok啦
No comments:
Post a Comment